സര്‍ക്കാരിന്‌ തിരിച്ചടി : ചിദംബരം രാജിവയ്‌ക്കണം: ബി.ജെ.പി

ന്യൂഡല്‍ഹി: 2 ജി സ്‌പെക്‌ട്രം കേസില്‍ സുപ്രീം കോടതിയുടെ നിര്‍ണായക വിധി കേന്ദ്രസര്‍ക്കാരിന്‌ കനത്ത തിരിച്ചടി നല്‍കുന്നതാണെന്ന്‌ ബി.ജെ.പി. സ്‌പെക്‌ട്രം ഇടപാടില്‍ കേന്ദ്ര ആഭ്യന്തരമന്ത്രി പി.ചിദംബരത്തി ന്റെ പങ്ക്‌ സുവ്യക്‌തമാണ്‌. അന്വേഷണം സുപ്രീം കോടതി വിചാരണ കോടതിയുടെ പരിഗണനയ്‌ക്കു വിട്ടെങ്കിലും ചിദംബരത്തിന്‌ ആശ്വസിക്കാന്‍ രണ്ടു ദിവസം മാത്രമാണുള്ളത്‌. പൊതുപ്രവര്‍ത്തകനെന്ന നിലയില്‍ തുടരാന്‍ അര്‍ഹതയില്ലാത്ത ചിദംബരം രാജിവയ്‌ക്കണമെന്നും അല്ലെങ്കില്‍ അദ്ദേഹത്തെ പുറത്താക്കാന്‍ രാഷ്‌ട്രപതിയോട്‌ ശിപാര്‍ശ ചെയ്യാന്‍ പ്രധാനമന്ത്രി തയ്യാറാകണമെന്നും ബി.ജെ.പി നേതാവ്‌ ബല്‍ബീര്‍ പൂഞ്ച്‌ ആവശ്യപ്പെട്ടു.

ധനമന്ത്രിയെന്ന നിലയിലാണ്‌ ചിദംബരത്തിന്റെ പങ്ക്‌ ഇടപാടില്‍ നിഴലിക്കുന്നത്‌. വിചാരണ കോടതിയില്‍ നിന്ന്‌ ക്ലിന്‍ ചിറ്റ്‌ ലഭിച്ചാല്‍ ചിദംബരം മന്ത്രിസഭയില്‍ പുനഃപ്രവേശിക്കുന്നതില്‍ തെറ്റില്ലെന്നും പുഞ്ച്‌ പറഞ്ഞു. രാജ്യം കണ്ട ഏറ്റവും വലിയ ക്രമക്കേടാണ്‌ 2 ജി സ്‌പെക്‌ട്രം ഇടപാടില്‍ നടന്നതെന്ന ആരോപണം ശരിവയ്‌ക്കുന്നതാണ്‌ സുപ്രീം കോടതിയുടെ ഇന്നത്തെ വിധി. മാനദണ്ഡം ഒട്ടും പാലിക്കാതെ മറ്റു പരിഗണനകര്‍ വച്ചു മാത്രം നല്‍കിയ ലൈസന്‍സ്‌ വിതരണം പൂര്‍ണ്ണമായും വഞ്ചന നിറഞ്ഞതാണെന്നും പുഞ്ച്‌ പറഞ്ഞു.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.