ന്യൂറോ സയന്‍സില്‍ ഗവേഷണം

കേന്ദ്രസര്‍ക്കാരിലെ ബയോടെക്നോളജി വകുപ്പിന്റെ കീഴിnnല്‍ സ്വയംഭരണ സ്ഥാപനമായി പ്രവര്‍ത്തിക്കുന്ന സര്‍വകലാശാലാ പദവിയുള്ള നാഷനല്‍ ബ്രെയിന്‍ റിസര്‍ച്ച് സെന്റര്‍ രണ്ടു വ്യത്യസ്ത ഗവേഷണ പ്രോഗ്രാമുകളിലേക്ക് അപേക്ഷ ക്ഷണിച്ചു.

( National Brain Research Centre NH-8, Manesar-122 050, gurgaon Dist, Haryana; Ph: 0124-2338922;Web site: www.nbrc.ac.in; Email : admissions2009@nbrc.ac.in )

1. പിഎച്ച്ഡി - ന്യൂറോസയന്‍സ് : ഏതെങ്കിലും വിഷയത്തിലെ എംഎസ്്സി അഥവാ മെഡിക്കല്‍ /എന്‍ജിനീയറിങ് ബിരുദം ഉള്ളവര്‍ക്ക് അപേക്ഷിക്കാം. ജൂനിയര്‍ റിസര്‍ച്ച് ഫെലോഷിപ്പിന് അര്‍ഹത നല്‍കുന്ന ഏതെങ്കിലും ദേശീയപരീക്ഷയില്‍ യോഗ്യത തെളിയിച്ചവര്‍ക്കു മുന്‍ഗണന.

2. ഇന്റഗ്രേറ്റഡ് പിഎച്ച്ഡി ഇന്‍ ന്യൂറോസയന്‍സ്: ബയോളജി, ഫിസിക്സ്, കെമിസ്ട്രി, മാത്ത്സ്, സ്റ്റാറ്റിസ്റ്റിക്സ്, കംപ്യൂട്ടര്‍ ആപ്ളിക്കേഷന്‍സ്, ഫാര്‍മസി, വെറ്ററിനറി സയന്‍സ്, സൈക്കോളജി, എന്‍ജിനീയറിങ്, മെഡിസിന്‍ മുതലായ ശാസ്ത്രസാങ്കേതിക വിഷയങ്ങളിലെ ബിരുദമുള്ള സമര്‍ഥര്‍ക്ക് അപേക്ഷിക്കാം. കോഴ്്സ് പൂര്‍ത്തിയാക്കുമ്പോള്‍ എംഎസ്്സിയും പിഎച്ച്ഡിയും ലഭിക്കും. 10, 12 ക്ളാസുകളില്‍ 60%, ബിരുദത്തിന് 55% എന്ന ക്രമത്തിലെങ്കിലും മാര്‍ക്ക് നിര്‍ബന്ധം.

അപേക്ഷയുടെ രണ്ടു കോപ്പി റജിസ്ട്രാറുടെ പേര്‍ക്ക് മാര്‍ച്ച് 16-നെങ്കിലും കിട്ടത്തക്ക വിധം തപാലില്‍ അയച്ചുകൊടുക്കണം. തപാലില്‍ ഫോം വേണ്ടവര്‍ 50 രൂപയുടെ ഡ്രാഫ്റ്റ് സഹിതം കത്തെഴുതിച്ചോദിക്കുക.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.