ബയോ മെഡിക്കല്‍ ഗവേഷണം

ബയോ മെഡിക്കല്‍ രംഗത്ത് ഗവേഷണത്തിന് അവസരം, ഡല്‍ഹി സര്‍വകലാശാലയിലെ അംബേദ്കര്‍ സെന്ററിലാണ് അവസരം

ബയോ മെഡിക്കല്‍ രംഗത്തെ ഗവേഷണത്തിന് ഡല്‍ഹി സര്‍വകലാശാലയിലെ ബയോ മെഡിക്കല്‍ സെന്റര്‍ അവസരമൊരുക്കിയിരിക്കുന്നു. (Dr. B.R. Ambedkar Centre for Biomedical Research, North Campus, University of Delhi, Delhi 110 007; Ph: 011 – 27666272; Web site: www.acbrdu.edu ).

മൂന്നു വ്യത്യസ്ത പ്രോഗ്രാമുകള്‍:

1. എംഎസ്്സി- പിഎച്ച്ഡി ബയോമെഡിക്കല്‍ സയന്‍സസ് സംയുക്തബിരുദം - നാലു വര്‍ഷം, ജൂലൈയില്‍ തുടങ്ങും. ബയോകെമിസ്ട്രി, മോളിക്യുലര്‍ ബയോളജി, മെഡിസിനല്‍ കെമിസ്ട്രി, മെഡിക്കല്‍ ബയോടെക്, മോളിക്യുലര്‍ ജനറ്റിക്സ്, മോളിക്യുലര്‍ ഓങ്കോളജി, ഹ്യൂമന്‍ ഫിസിയോളജി, ട്യൂമര്‍ വൈറോളജി, ഇമ്യൂണോളജി. ടോക്സിക്കോളജി മുതലായ മേഖലകള്‍.

2. എംഎസ്്സി ബയോമെഡിക്കല്‍ സയന്‍സസ് - രണ്ടു വര്‍ഷം.
രണ്ടിനും പൊതുവായ പ്രവേശനയോഗ്യത: 55 ശതമാനമെങ്കിലും മാര്‍ക്കോടെ കെമിസ്ട്രി, സുവോളജി, ബോട്ടണി, ലൈഫ് സയന്‍സസ്, ബയോമെഡിക്കല്‍ സയന്‍സസ്, മൈക്രോബയോളജി, ബയോകെമിസ്ട്രി,

എന്‍വയണ്‍മെന്റല്‍ ബയോളജി, ബയോടെക്, ലാബ് ടെക്നോളജി, ഫാര്‍മസി, വെറ്ററിനറി, മെഡിസിന്‍ ബിരുദം.

3. പിഎച്ച്ഡി ബയോമെഡിക്കല്‍ സയന്‍സസ്: 55% മെങ്കിലും മാര്‍ക്കോടെ ടെക്നോളജി, വെറ്ററിനറി, ഫാര്‍മസി അടക്കം ബന്ധപ്പെട്ട വിഷയത്തിലെ മാസ്റ്റര്‍ ബിരുദം, അഥവാ 70% മെങ്കിലും മാര്‍ക്കോടെ ബിടെക്, അഥവാ 60% മെങ്കിലും മാര്‍ക്കോടെ എംബിബിഎസ് വേണം. യുജിസി-സിഎസ്ഐആര്‍നെറ്റ്, ഐസിഎംആര്‍ യോഗ്യതക്കാര്‍ക്ക് മുന്‍ഗണന.
ഫോമും ബ്രോഷറും തപാലില്‍ കിട്ടാന്‍ അംബേദ്കര്‍ സെന്ററില്‍ ഏപ്രില്‍ 30നകം കിട്ടത്തക്ക വിധം കത്തെഴുതിച്ചോദിക്കുക. “Director, Dr. B. R. Ambedkar Centre for Biomedical Research” എന്ന പേരില്‍ ഡല്‍ഹിയില്‍ മാറാവുന്ന 850 രൂപയുടെ ഡ്രാഫ്റ്റ് കൂടെ വയ്ക്കണം. പട്ടികവിഭാഗക്കാര്‍ 300 രൂപയുടെ ഡ്രാഫ്റ്റ്. സൈറ്റില്‍ നിന്നു ഫോം ഡൌണ്‍ലോഡ് ചെയ്യുകയുമാകാം.

പൂരിപ്പിച്ച അപേക്ഷ മേയ് 15വരെ സ്വീകരിക്കും. സിലക്്ഷന്‍ ടെസ്റ്റ് ജൂണ്‍ ആറിന്.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.