ചൈനയില്‍ സര്‍ക്കാര്‍ കെട്ടിടങ്ങളില്‍ സ്‌ഫോടനങ്ങള്‍

ബെയ്ജിങ് : ചൈനയിലെ ജിയാന്‍ക്‌സി പ്രവിശ്യയില്‍ മൂന്ന് സര്‍ക്കാര്‍ കെട്ടിടങ്ങളില്‍ സ്‌ഫോടനം. പ്രാഥമികവിവരമനുസരിച്ച് അഞ്ചു പേര്‍ക്ക് പരിക്കേറ്റിട്ടുണ്ട്. കാര്‍ ബോംബ് സ്‌ഫോടനമാണുണ്ടായതെന്ന് സ്ഥിരീകരിക്കാത്ത റിപ്പോര്‍ട്ടുണ്ട്. സ്‌റ്റേറ്റ് പ്രോസിക്യൂട്ടറുടെ ഓഫീസിന് മുന്നില്‍ നിര്‍ത്തിയിട്ട കാറാണ് പൊട്ടിത്തെറിച്ചത്. ഇതേ കെട്ടിടത്തില്‍ തന്നെയാണ് നഗരത്തിലെ ഭക്ഷ്യ-ലഹരി ഏജന്‍സി പ്രവര്‍ത്തിക്കുന്നത്. ജില്ലാ ഭരണകാര്യാലയത്തിലാണ് മൂന്നാമത് സ്‌ഫോടനമുണ്ടായത്.

സ്‌ഫോടനങ്ങളില്‍ നിരവധി കെട്ടിടങ്ങളുടെ ജനല്‍ചില്ലുകള്‍ തകരുകയും കേടുപാടുകള്‍ പറ്റുകയും ചെയ്തിട്ടുണ്ട്. ഒരു കാര്‍ തകരുകയും 10 കാറുകള്‍ തകരാറിലാവുകയും ചെയ്തു. എന്തോ കാരണങ്ങളാല്‍ നിരാശ പൂണ്ട ഒരു കര്‍ഷകനാണ് സ്‌ഫോടനങ്ങള്‍ക്ക് പിന്നിലെന്ന് സംശയിക്കുന്നതായി ഔദ്യോഗിക വൃത്തങ്ങളെ ഉദ്ധരിച്ച് സിന്‍ഹുവ റിപ്പോര്‍ട്ട് ചെയ്തു.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.