എന്‍ഡോസള്‍ഫാന്‍ രോഗബാധിതയായ 43 കാരിയെ വീട്ടിലെത്തി ബലാത്സംഗം ചെയ്ത യുവാവ് അറസ്റ്റില്‍

കാസര്‍കോട് : എന്‍ഡോസള്‍ഫാന്‍ ദുരിതബാധിതയായി വീട്ടില്‍ കഴിയുന്ന 43 കാരിയെ വീട്ടിലെത്തിയ യുവാവ് ലൈംഗീകമായി പീഡിപ്പിച്ചതായി പരാതി. കോട്ടൂര്‍ പനത്തിങ്കാല്‍ പാണൂരിലെ ബുദ്ധിമാന്ദ്യമുള്ള യുവതിയെയാണ് കാനത്തൂര്‍ സ്വദേശിയും ബി എസ് എന്‍ എല്‍ ടെലഫോണ്‍ ജീവനക്കാരനുമായ ബാബു (35) പീഡിപ്പിച്ചത്‌.സംഭവവുമായി ബന്ധപ്പെട്ട് ആദൂര്‍ സി ഐ എ സതീശ് കുമാര്‍ ബാബുവിനെ അറസ്റ്റ് ചെയ്തു. നാലുകുട്ടികളുടെ പിതാവുകൂടിയാണ് പ്രതി.

പീഡനത്തിനിരയായ യുവതിയെ ജനറല്‍ ആശുപത്രിയില്‍ പ്രവേശിപ്പിച്ചു. ഇന്നലെയാണ് (16.09.2011) പീഡനവിവരം യുവതി സഹോദരിയോട് പറയുന്നത്. ഇതിനെത്തുടര്‍ന്ന് നടത്തിയ അന്വേഷണത്തിലാണ് യുവാവ് നാലുമാസത്തോളമായി വീട്ടില്‍ ആരുമില്ലാത്ത സമയത്ത് നിരന്തരം പീഡിപ്പിച്ച സംഭവം പുറത്തറിഞ്ഞത്. അവശനിലയിലായ യുവതിയെ ആശുപത്രിയില്‍ പ്രവേശിപ്പിക്കുകയായിരുന്നു. സഹോദരിയും, മക്കളും വീട്ടിനു പുറത്തുപോയ പുറത്തുപോയ സമയത്ത് ടെലഫോണ്‍ നന്നാക്കാനുണ്ടെന്ന് പറഞ്ഞ് വീട്ടിലെത്തിയ ബാബു തന്നെ വീട്ടിനകത്ത് വെച്ച് ബലാത്സംഗം ചെയ്തുവെന്നാണ് യുവതി നല്‍കിയ പരാതിയില്‍ പറയുന്നത്.

എന്‍ഡോസള്‍ഫാന്‍ രോഗബാധിതയായി വര്‍ഷങ്ങളായി വീട്ടില്‍ കിടപ്പിലാണ് യുവതി. ജനറല്‍ ആശുപത്രിയില്‍ പ്രവേശിപ്പിച്ച യുവതിയെ വൈദ്യപരിശോധനയ്ക്ക വിധേയമാക്കുമെന്ന് ആശുപത്രി അധികൃതര്‍ അറിയിച്ചു.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.