എന്‍ഡോസള്‍ഫാന്‍ : സ്‌ക്കൂള്‍ കുട്ടികള്‍ക്ക് വിദ്യാഭ്യാസ സഹായം

കാസര്‍കോട് : എന്‍ഡോസള്‍ഫാന്‍ ബാധിതരുടെ കുടുംബാംഗങ്ങളില്‍ 1-ാം ക്ലാസ് മുതല്‍ 12-ാം ക്ലാസ്‌വരെ പഠിക്കുന്നവര്‍ക്ക് വിദ്യാഭ്യാസാനുകൂല്യം ഒറ്റത്തവണയായി നല്‍കുന്നു. എന്‍ഡോസള്‍ഫാന്‍ ബാധിതരായ അച്ചന്‍, അമ്മ, സഹോദരങ്ങള്‍ എന്നിവരുള്ള കുടുംബങ്ങള്‍ക്കാണ് സഹായധനം നല്‍കുന്നത്. 1-ാം ക്ലാസു മുതല്‍ 7-ാം ക്ലാസുവരെയുള്ളവര്‍ക്ക് 1,000/- രൂപ വീതവും, 8-ാം ക്ലാസു മുതല്‍ 10-ാം ക്ലാസുവരെയുള്ളവര്‍ക്ക് 2,000/- രൂപ വീതവും, 11, 12 ക്ലാസുകളില്‍പ്പെട്ടവര്‍ക്ക് 2500/- രൂപ വീതവുമാണ് ലഭിക്കുക. ആനുകൂല്യം ലഭിക്കാന്‍ അര്‍ഹതയുള്ളവര്‍ അതാത് പ്രദേശത്തെ ഐ.സി.ഡി.എസ്. സൂപ്പര്‍വൈസറുമായി ബന്ധപ്പെട്ട് അപേക്ഷ മെയ് 23 നകം നല്‍കണം. അപേക്ഷ ഐ.സി.ഡി. എസ്. സൂപ്പര്‍വൈസര്‍ മുഖേന ജില്ലാ സാമൂഹ്യ ക്ഷേമ ഓഫീസില്‍ എത്തിക്കണം. കൂടുതല്‍ വിവരങ്ങള്‍ക്ക് ജില്ലാ സാമൂഹ്യക്ഷേമ ഓഫീസ്, സി.ഡി.പി.ഒ. ഓഫീസ്, ഐ.സി.ഡി.എസ്. സൂപ്പര്‍വൈസര്‍ എന്നിവരുമായി ബന്ധപ്പെടണം.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.