എന്‍ഡോസള്‍ഫാന്‍ നിരോധനം: ജനകീയ ചെറുത്തുനില്‍പ്പിന്റെ വിജയം: എസ് വൈ എസ്

കാസര്‍കോട്: എന്‍ഡോസള്‍ഫാന്‍ നിരോധിക്കാന്‍ സ്റ്റോക്ക്‌ഹോം കണ്‍വെന്‍ഷന്‍ തീരുമാനിച്ചത് ജനകീയ ചെറുത്തുനില്‍പ്പിന്റെ വിജയമാണെന്ന് ജില്ലാ എസ് വൈ എസ് പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി, ജനറല്‍ സെക്രട്ടറി സുലൈമാന്‍ കരിവെള്ളൂര്‍ എന്നിവര്‍ അഭിപ്രായപ്പെട്ടു.
മനുഷ്യത്വമുള്ളവരെയെല്ലാം സന്തോഷിപ്പിക്കുന്ന തീരുമാനമാണിത്. കണ്‍വെന്‍ഷനില്‍ എന്‍ഡോസള്‍ഫാന് അനുകൂലമായി നമ്മുടെ പ്രതിനിധികള്‍ ശബ്ദിച്ചത് രാജ്യത്തിന് അപമാനമാണ്. ലോക രാഷ്ട്രങ്ങള്‍ക്കിടയില്‍ നാം ഒറ്റപ്പെട്ടുപോയതില്‍നിന്ന് പാഠമുള്‍ക്കൊണ്ട് രാജ്യത്തെ എല്ലാ ഭാഗങ്ങളിലും എന്‍ഡോസള്‍ഫാന്‍ ഉത്പാദനവും പ്രയോഗവും അടിയന്തിരമായി നിരോധിക്കണം. അഞ്ചുവര്‍ഷത്തെ ഇളവിന്റെ മറവില്‍ എന്‍ഡോസള്‍ഫാന്‍ വീണ്ടും തളിക്കാന്‍ തുനിഞ്ഞാല്‍ ഗുരുതരമായ പ്രത്യാഘാതം നേരിടേണ്ടിവരുമെന്ന് എസ് വൈ എസ് അഭിപ്രായപ്പെട്ടു.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.