ഖാസി കേസ് : സി ബി ഐ റിപ്പോര്‍ട്ട് ഇന്ന്‌ കോടതിയില്‍ സമര്‍പ്പിക്കും

കൂടുതല്‍ ചിത്രങ്ങള്‍              

കാസര്‍കോട് : സങ്കീര്‍ണ്ണത സൃഷ്ടിച്ച ചെമ്പരിക്ക-മംഗലാപുരം സംയുക്ത ഖാസി സി എം അബ്ദുല്ല മൗലവിയുടെ മരണവുമായി ബന്ധപ്പെട്ട കേസിന്റെ റിപ്പോര്‍ട്ട് ഇന്ന്‌ (15.11.2011) സി ബി ഐ ഹൈക്കോടതിയില്‍ സമര്‍പ്പിക്കും. ഒക്ടോബര്‍ 31 നു സമര്‍പ്പിക്കേണ്ട റിപ്പോര്‍ട്ടാണ് നാളെ സമര്‍ക്കുന്നത്. സി ബി ഐ യുടെ ഹൈക്കോടതിയിലെ സ്റ്റാന്റിംഗ് കൗണ്‍സിലറുടെ ആവശ്യത്തെത്തുടര്‍ന്ന് 15 ദിവസം കൂടി സി ബി ഐ യ്ക്ക് ഹൈക്കോടതി സമയം അനുവദിക്കുകയായിരുന്നു. എസ് പി നന്ദുകമാര്‍ നായരുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്,

2010 ഫെബ്രുവരി 15 നാണ് ചെമ്പരിക്ക ഖാസിയും, മതപണ്ഡിതനുമായ സി എം അബ്ദുല്ല മൗലവിയെ ചെമ്പരിക്ക കടുക്ക കല്ലിനു സമീപം മരിച്ച നിലയില്‍ കാണപ്പെട്ടത്. മരണത്തില്‍ ദുരൂഹതയുള്ളതിനാലും അന്വേഷണം എങ്ങുമെത്താത്തതിനാലും ഖാസിയുടെ മരുമകന്‍ മുഹമ്മദ് ഷാഫി സി ബി ഐ അന്വേഷണ പുരോഗതി സംബന്ധിച്ച റിപ്പോര്‍ട്ട് ഹൈക്കോടതിയില്‍ ഹാജരാക്കണമെന്ന് ആവശ്യപ്പെട്ട് ഹര്‍ജി നല്‍കുകയായിരുന്നു.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.