എം എസ് എഫ് വിദ്യാര്‍ത്ഥികളെ അക്രമിച്ച് പരിക്കേല്‍പ്പിച്ചതായി പരാതി

ഉദുമ : സ്‌കൂള്‍ വിട്ട് വീട്ടിലേക്ക് പോകുകയായിരുന്ന രണ്ടു എം എസ് എഫ് പ്രവര്‍ത്തകരെ അക്രമിച്ച് പരിക്കേല്‍പ്പിച്ചതായി പരാതി. ഉദുമ ഗവണ്‍മെന്റ് ഹയര്‍സെക്കണ്ടറി സ്‌കൂളിലെ എം എസ് എഫ് യൂണിറ്റ് പ്രസിഡണ്ടും, പ്ലസ് ടു വിദ്യാര്‍ത്ഥിയുമായ ഉദുമ പടിഞ്ഞാറിലെ അബ്ദുല്‍ റൗഫ് (17), അബ്ദുല്‍ ഷഹീദ് (17) എന്നിവരെയാണ് അക്രമിച്ചത്. പരിക്കേറ്റ ഇവരെ ജനറല്‍ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് നാലരയോടെ ഉദുമ സി പി എം ഓഫീസിനു സമീപത്തു വെച്ചാണ് സംഭവമെന്ന്‌ ഇരുവരും പരാതിപ്പെട്ടു. കഴിഞ്ഞ ദിവസം നടന്ന ഉദുമ ഇസ്ലാമിയ സ്‌കൂള്‍ ഉദ്ഘാടന ചടങ്ങില്‍ മുഖ്യമന്ത്രി ഉമ്മന്‍ചാണ്ടി നടത്തിയ പരിപാടിയില്‍ പോയ വിരോധത്തില്‍ പതിനഞ്ചോളം വരുന്ന ഡി വൈ എഫ് ഐ പ്രവര്‍ത്തകര്‍ തടഞ്ഞു നിര്‍ത്തി അക്രമിക്കുകയായിരുന്നുവെന്ന് ഇവര്‍ പറയുന്നു.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.