മത്സ്യബന്ധന ബോട്ടുകള്‍ സമുദ്രാതിര്‍ത്തി കടക്കരുതെന്ന് നിര്‍ദ്ദേശം

കാസര്‍കോട് : ജില്ലയിലെ മത്സ്യബന്ധന ബോട്ടുകള്‍ നമ്മുടെ സമുദ്രാതിര്‍ത്തി കടന്ന് മത്സ്യബന്ധനത്തില്‍ ഏര്‍പ്പെടരുതെന്ന് ഫിഷറീസ് ഡെപ്യൂട്ടി ഡയറക്ടര്‍ മുന്നറിയിപ്പ് നല്‍കി. മത്സ്യബന്ധന ബോട്ടുകള്‍ യാതൊരു കാരണവശാലും കപ്പല്‍ ചാനലില്‍ കടക്കരുത്.

കടല്‍ക്കൊള്ളക്കാരുടെ ഭീഷണിയുള്ളത് കാരണം മര്‍ച്ചന്റ് ഷിപ്പുകളില്‍ അന്താരാഷ്ട്ര ധാരണ പ്രകാരം ആയുധധാരികളായ സുരക്ഷാ ഭടന്‍മാരെ ഏര്‍പ്പെടുത്തിയിട്ടുണ്ട്. കപ്പലുകളുടെ അരികില്‍ കൂടിയോ അവര്‍ക്ക് നേരെയോ വര്‍ദ്ധിച്ച വേഗതയില്‍ സഞ്ചരിക്കുന്നത് ഒഴിവാക്കണം. അങ്ങനെയുള്ള കപ്പലുകള്‍ ശ്രദ്ധയില്‍പ്പെട്ടാല്‍ വേഗത കുറച്ച് അവരുടെ സഞ്ചാര പരിധിയില്‍ നിന്നും മാറി മത്സ്യബന്ധനം നടത്തേണ്ടതാണ്. മത്സ്യബന്ധന യാനത്തില്‍ പേരും രജിസ്റ്റര്‍ നമ്പറും ദൂരെ നിന്ന് തിരിച്ചറിയാവുന്ന വിധത്തില്‍ വ്യക്തമായി രേഖപ്പെടുത്തണം.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.