ഉദുമ ഇസ്‌ലാമിയ എ.എല്‍.പി സ്‌കൂള്‍ കെട്ടിടം മുഖ്യമന്ത്രി ഉദ്ഘാടനം ചെയ്തു

ഉദുമ : ഇസ്‌ലാമിയ എ.എല്‍.പി സ്‌കൂളിന് ഈച്ചിലിങ്കാലില്‍ നിര്‍മ്മിച്ച പുതിയ കെട്ടിടം മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്തു. കേരളത്തിലെ ജനങ്ങള്‍ കുട്ടികള്‍ക്ക് ഗുണനിലവാരമുള്ള വിദ്യാഭ്യാസത്തിന് മുന്‍ഗണന നല്‍കുന്നത് സംസ്ഥാനത്തിന് അനുകൂല ഘടകമാണെന്ന് മുഖ്യമന്ത്രി പറഞ്ഞു. ചടങ്ങില്‍ കെ.കുഞ്ഞിരാമന്‍ എം.എല്‍.എ (ഉദുമ), അധ്യക്ഷത വഹിച്ചു. എന്‍.എ.നെല്ലിക്കുന്ന് എം.എല്‍.എ, ചെര്‍ക്കളം അബ്ദുള്ള, പഞ്ചായത്ത് പ്രസിഡണ്ട് കസ്തൂരി ടീച്ചര്‍, സിഡ്‌കോ ചെയര്‍മാന്‍ സി.ടി.അഹമ്മദലി, കെ.വി.കുഞ്ഞിരാമന്‍, പി.ഗംഗാധരന്‍ നായര്‍, പാദൂര്‍ കുഞ്ഞാമു ഹാജി, ടി.കെ.അഹമ്മദ് ഷാഫി, കെ.വി.അരവിന്ദന്‍ തുടങ്ങിയവര്‍ പങ്കെടുത്തു. സ്‌കൂള്‍ മാനേജര്‍ കെ.എ.മുഹമ്മദലി സ്വാഗതവും മുഹമ്മദ് കുഞ്ഞി എരോല്‍ നന്ദിയും പറഞ്ഞു. കെ.ബി.എം.ഷരീഫ് റിപ്പോര്‍ട്ട് അവതരിപ്പിച്ചു.

.

ഈ വാര്‍ത്ത / വിവരങ്ങള്‍ നിങ്ങളുടെ സുഹൃത്തിന്‌ അയച്ചുകൊടുക്കുക.